Ho tloha boipelaetsong ka ntle ho lekgotla le phahameng, ho phethela ditlhahiso tsa ICASA, ho theolwa ha ditheko tsa ka ntle ho dipakana ke Vodacom ka Mphalane 2017, melawana ya basebedisi ya ICASA e kenngwa tshebetsong le kahlolo ya Khomishene ya Tlhodisano mabapi le diopareitara tsa marangrang a diselefouno ho theola ditheko tsa datha ka 30% ho ya ho 50%. Ka tlase ke lenaneo la nako le felletseng la Letsholo la Data Must Fall.
Letsholo la Data Must Fall le bile le maemo a hodimo le a tlase. Ho tloha boipelaetsong ka ntle ho lekgotla le phahameng, ho phethela ditlhahiso tsa ICASA, ho theolwa ha ditheko tsa ka ntle ho dipakana ke Vodacom ka Mphalane 2017, melawana ya basebedisi ya ICASA e kenngwa tshebetsong le kahlolo ya Khomishene ya Tlhodisano mabapi le diopareitara tsa marangrang a diselefouno ho theola ditheko tsa datha ka 30% ho ya ho 50%. Ka tlase ke lenaneo la nako le felletseng la Letsholo la Data Must Fall.
2016: Dingongoreho tse ntseng di eketseha a tswang setjhabeng mabapi le theko e phahameng ya datha a hotetsa qalo ya letsholo la Data Must Fall [1].
Hlakola 2017: Mopresidente Jacob Zuma o re ho fokotsa ditjeo tsa datha ke ntho ya bohlokwa ka ho fetisisa.
Phupu 2017: Bolaodi bo Ikemetseng ba Dikgokahano ba Afrika Borwa (ICASA) bo qala tjhebobotjha ya ‘Tjhata ya Basebedisi le Baamohedi’, melawana e reretsweng ho sireletsa bareki hore ba se ke ba qhekellwa ke diopareitara tsa marangrang a diselefouno.
Phato 2017: Mohoo wa setjhaba le dingongoreho ho tswa ho Letona la Ntshetsopele ya Moruo di lebisitse ho Khomishene ya Tlhodisano ho qala ‘Patlisiso ya Ditshebeletso tsa Mmaraka wa Datha’ ho utlwisisa lebaka la ditheko tse phahameng tsa datha le ho etsa dikgothaletso tse nepahetseng ho rarolla mathata, ka ho netefatsa hore ditheko di qetella di theohile. le ho etsa bonnete ba hore mmaraka o na le tlhodisano.
Dipatlisiso tsa ICASA di tla phethelwa ka Tlhakubele 2018 ha Khomishene ya Tlhodisano e tla be e qetile ka Phato 2018.
Hlakola 2019: ICASA le diopereitara tsa marangrang a Diselefouno ba fihlela qeto lekgotleng la dinyewe le phahameng la Johannesburg. Melawana ya basebedisi e a bewa hore e kenngwe tshebetsong ke diopereitara tsa marangrang. Sena se bolela hore bareki ba ke ke ba lahlehelwa ke datha e sa sebediswang mme ba na le kgetho ya ho kena le ho tswa ho ditefisong tsa ka ntle ho dipakana.
Phupu 2019: Letona la hajwale la dikgokahano le thekenoloji ya dijithale Stella Ndabeni-Abrahams o phatlalatsa Leano la Tlhokahalo e Hodimo ya Sepektramo* le Tataiso ya Leano la Ho Fumana Dilaesense tsa WOAN**.
Tshitwe 2019: ICASA e batla ditshwaelo le ditlhahiso tsa setjhaba ho etsa Tlhahlobo ya Kgahlamelo ya Melawana ho melawana ya basebedisi ya Tjhata ya Tshebeletso ya Baamohedi e qadileng ho sebetsa ka Hlakola 2019. Sepheo sa tlhahlobo ena ke ho hlahloba hore na diopareitara tsa marangrang a diselefouno di latela melawana.
Tshitwe 2019: Khomishene ya Tlhodisano e lokolla tlaleho ya yona ya makgaolakgang ya dipatlisiso tsa mmaraka wa ditshebeletso tsa datha. E nngwe ya dikgothaletso tse kgolo tsa dipatlisiso ke hore Vodacom le MTN di theole ditheko tsa datha ka 30% ho ya ho 50% ka la 1 Tlhakubele 2020.
Pherekgong 2020: Nako ya ho phethahatsa ya ICASA bakeng sa Tlhahlobo ya Kgahlamelo ya Melawana ho melawana ya basebedisi. Tshebetso ya tlhahlobo e a qala.
Hlakola 2020: Khomishene ya Tlhodisano e eketsa nako ya hore bafani ba marangrang a diselefouno ba ikamahanye le dikgothaletso ho ya ho la 1 Tlhakubele 2020.
* Sepetramo ke maqhubu a moya ao diselefouno tsa rona di a sebedisang ho romela tlhahisoleseding, se laolwang mme se tla ajwa ke Bolaodi bo Ikemetseng la Dikgokahano ba Afrika Borwa (ICASA)
*Marangrang Phihlello e Bulehileng a Waelese
[1] Saena letsholo lena #DataMustFall: https://awethu.amandla.mobi/petitions/bring-the-cost-of-data-down
