Kgaello ya datha e theko e kgonehang e tla tshwarella batho ho fumana ditshebeletso tsa bohlokwa mehleng ena ya dijithale, ho bolela sehlopha sa bobuelli ba setjhaba sa amandla.mobi.
amandla.mobi e amohetse melawana e sisintsweng ho tswa ho Bolaodi bo Ikemetseng ba Dikgokahano ba Afrika Borwa (ICASA) ho tshehetsa ho theolwa ha ditjeo tsa phihlello ya datha le dikgokahano. E le mokgatlo oo mosebetsi wa ona o shebaneng le basadi ba batsho ba tswang metseng ya batho ba fumanang meputso e tlase, ngongoreho ya mokgatlo e bile haholoholo mabapi le kamoo bafutsana ba lefang tjhelete e ngata bakeng sa datha ho feta barui.
“Bareki ba meputso e tlase ba lefa ditefiso tse phahameng haholo mme ha ba bone melemo ya tlhodisano ha ho bapiswa le bareki ba fumanang meputso e hodimo ba kgonang ho reka datha e ngatanyana,” ho boletse molaodi wa phethahatso wa amandla.mobi Koketso Moeti.
Mokgatlo o boletse hore ditefiso tsa hajwale di matlafaditse karohano ya dijithale.
“Ntle le hore taba ena e rarollwe, kgaello ya phihlello e tla tswela pele ho tshwarella batho kaha ho hlokahala phihlello ya inthanete ho ngodisa kgwebo, ho etsa kopo ya dikolo esita le ho fumana mesebetsi e itseng,” Moeti o boletse jwalo.
“Ditshebeletso tsa setjhaba le tsona di ntse di ntlafatsa tsela eo di arabelang ka yona inthaneteng, ho bolelang hore ba sa kgoneng ho kena inthaneteng ba ka nna ba sitwa ho tlaleha ditaba kapa ho fumana ditshebeletso tsa bohlokwa.”
Ka dikgwedi mokgatlo ona, hammoho le makgolo a ditho tse ithaopileng, o thusitse batho ba dikete tse mashome ho nka mehato e fapaneng mabapi le phokotso ya ditheko tsa datha ka letsholo la #DataMustFall.
ICASA e tla tshwara dipuisano tsa setjhaba mabapi le melawana e sisintsweng ka la 1 le 2 Hlakubele 2018.
Leha amandla.mobi e amohela mehato e entsweng ke ICASA, e hlokometse hore dimilione tse amehileng di ke ke tsa kgona ho ba teng dipuisanong hobane di etsahala feela ofising ya naha ya ICASA e Sandton, Johannesburg. amandla.mobi e entse kgoeletso ho ditho ho romella ditlhahiso tsa tsona ka mantswe diselefounong le diimeile, tse tla bapalwa le ho balwa e le karolo ya nehelano ya mokgatlo ka 15:30. amandla.mobi e tla etsa kgoeletso ho ICASA ho matlafatsa melawana e sisintsweng ka:
- Ho bea thibelo hodima phapang e kgolokgolo e dumelletsweng ho ditheko ka megabyte dipakeng tsa dipakana tse nyane le tse kgolo, mme mokgwa o nepahetseng ho se bele phapang hohang.
- Ho matlafatsa kgetho ya bareki ka ho ba le kgetho e seng e tjhehilwe “ya ho tswa” bakeng sa datha e fetang pakana e beilweng le hore nako le nako ha pakana ya datha e le haufi le ho fela, molaetsa wa SMS o romelwe o fang moreki kgetho ya ho “dumela” ho ditefiso tsa pakana e ka hodimo ho pehelo ka tlhahisoleseding mabapi le hore sekgahla seo ke sefe. Haeba opareitara e sa fumana kgetho ya karabo ya ho dumela, ho se be le moya o lokelang ho sebediswa, mme phepelo ya datha e lokela ho kgaolwa ha pakana e fedile.
- Ho qoba kgonahalo ya ho sitisa dipakana tse ntjha tse sebeletsang basebedisi ba meputso e tlase, amandla.mobi e kgothaletsa ho fokotswa ha nako e sisintsweng ya ho fellwa ke nako ya dilemo tse tharo ho ya dipakeng tsa matsatsi a 90 ho fihlela ho a 120 e tsamaellanang haholwanyana le nako ya ho sebetsa ha SIM card.
Tlhahiso e felletseng ya amandla.mobi e hlalosang dikgothaletso e ka fumanwa Mona.
Qetelle/
Bakeng sa tlhahisoleding e nngwe le ho botswa dipotso, ikopanye le:
Koketso Moeti
082 583 5869
koketso@amandla.mobi
