Na amandla.mobi e ikamahanya le mokga ofe kapa ofe wa dipolotiki?
amandla.mobi ke sehlopha se ikemetseng sa bobuelli, se sa amaneng kapa se sa amahanngweng le mokga ofe kapa ofe wa dipolotiki. Le hoja re sa kgothaletse mokga o itseng wa dipolotiki ho feta o mong, ebile re sa fumane tshehetso ho tswa ho wona, re tshehetsa maano a amanang le makgabane a rona.
amandla.mobi e tshehetswa ka ditjhelete jwang?
Ho eketsa ho dinyehelo tse tswang ho ditho tsa amandla.mobi, amandla.mobi e boetse e fumana dithuso tsa ditjhelete ho tswa ho ditheo tse amanang le makgabane a rona. Tobetsa mona ho fumana tlhahisoleseding e nngwe mabapi le kamoo re tshehetswang ka ditjhelete.
Ke qala letsholo la ka jwang?
Re thakgotse sethala sa letsholo sa setjhaba se bitswang awethu.mobi. awethu.mobi ke sebaka sa hao sa ho tsamaisa matsholo mabapi le ditaba tseo o di tsotellang, mme sehlopha sa rona se tla o tshehetsa mohatong o mong le o mong wa tsela. Tobetsa mona ho qala letsholo.
Hobaneng ke le lethathamong la lona la mangolo?
Re romela diimeile ho batho ba nkileng dikgato websaeteng ya rona feela. Ha re fumane diaterese tsa diimeile ho tswa mekgatlong efe kapa efe ya batho ba bang. Haeba o sa batle ho fumana diimeile ho tswa ho rona, o ka itokolla ka nako efe kapa efe. Imeile e nngwe le e nngwe e tswang ho rona e na le sehokelo sa ho itokolla, kapa o ka re romella imeile ho hola@amandla.mobi
Na amandla.mobi e ikamahanya le sehlopha sefe kapa sefe sa bodumedi?
amandla.mobi ha e amane kapa ho amahanngwa le sehlopha sefe kapa sefe sa bodumedi, ebile ha re phahamise dithuto dife kapa dife tsa bodumedi.
Na amandla.mobi ke mokgatlo wa thekenoloji/dijithale?
amandla.mobi e thusa batho ho tswa naheng ka bophara ho kopana ka dinako tse hlokolosi ho nka kgato e tobileng, e hokahaneng le ya lewa ho etsa phetoho ya sebele. Tech ke e nngwe ya disebediswa tseo re di sebedisang ho etsa sena, empa ke seo feela – sesebediswa. Matla a sebele a amandla.mobi ke WENA ho nka kgato le ba bang.
Le sireletsa datha ya ka jwang?
amandla.mobi e ikobela ka botlalo Molao wa Tshireletso ya Tlhahisoleseding ya Botho (POPIA) mme e sebedisa mehato e utlwahalang ya tshireletso ho sireletsa tlhahisoleseding e bokelletsweng ke websaete ena. Ho fumana tlhahisoleseding e nngwe, ka kopo etela Leano la Boikunuto la rona.
Na amandla.mobi ke mokga wa dipolotiki?
amandla.mobi ha e amane kapa ho amahanngwa le mokga ofe kapa ofe wa dipolotiki ebile ha e fumane tshehetso ho tswa ho mokga ofe kapa ofe wa dipolotiki
Na lona le karolo ya Sassa?
amandla.mobi ha e amahanngwe le Sassa ebile ha e sebetse le Sassa. Re mokgatlo o monyane wa bobuelli o tsamaisang diphetishene, ho kenyelletswa letsholo la R350/BIG.
Ke ba setho sa amandla.mobi jwang?
O ka ba setho ka ho ba le seabo ho le leng la matsholo a rona le ho saena e nngwe ya diphetishene tsa rona mona
amandla.mobi e etsa matsholo ka ditaba tsa mofuta ofe?
amandla.mobi e etsa matsholo mabapi le ditaba tse amang batho ba Batsho, e tsepamisitse maikutlo haholo ho basadi ba Batsho ba fumanang meputso e tlase. Matsholo a rona a tloha ho toka ya moruo le phumaneho ya dijo ho ya boikarabellong ba dikoporasi. O ka bona a mang a matsholo a rona mona
Nka sebetsa jwang ho amandla.mobi?
O ka etela mesebetsi leqepheng la amandla.mobi mona bakeng sa menyetla e teng ya mesebetsi
Ke nyehela jwang ho amandla.mobi?
O ka nyehela ho amandla.mobi ka ho tlatsa foromo ya dinyehelo mona
amandla.mobi e etsa phapang jwang?
amandla.mobi e etsa phapang ka ho matlafatsa batho ho sebedisa disebediswa tsa dijithale ho etsa hore baetapele ba ikarabelle le ho tlisa diphetoho setjhabeng.
