Ukusukela ekuqhankqalazeni ngaphandle kwenkundla ephakamileyo, ukugcwalisa izingeniso zeICASA, ukuhlaba imirhumo ye-out-of-bundle nguVodacom ngoOkthobha 2017, ukuphunyezwa kwemigaqo yeICASA yabasebenzisi kunye noMyalelo weKhomishini yoKhuphiswano yabasebenza ngothungelwano lwezixhobo zobuchwepheshe eziphathwayo ukunciphisa amaxabiso edatha ngo30% ukuya ku50%. Apha ngezantsi lihlelo lomlandu weziganeko elipheleleyo lePhulo leData Must Fall.
Iphulo leData Must Fall libe namahlandinyuka. Ukusukela ekuqhankqalazeni ngaphandle kwenkundla ephakamileyo, ukugcwalisa izingeniso zeICASA, ukuhlaba imirhumo ye-out-of-bundle nguVodacom ngoOkthobha 2017, ukuphunyezwa kwemigaqo yeICASA yabasebenzisi kunye noMyalelo weKhomishini yoKhuphiswano yabasebenza ngothungelwano lwezixhobo zobuchwepheshe eziphathwayo ukunciphisa amaxabiso edatha ngo30% ukuya ku50%. Apha ngezantsi lihlelo lomlandu weziganeko elipheleleyo lePhulo leData Must Fall.
2016: Iinkxalabo zabantu ezikhulayo zabantu malunga neendleko eziphezulu zedatha zivuselela ukuqalisa kwephulo leData Must Fall [1].
Febhruwari 2017: UMongameli uJacob Zuma uphawula ukuba ukunciphisa inkcitho yedatha lilinge eliphambili elingundoqo.
Julayi 2017: I-Independent Communications Authority of South Africa (i-ICASA) (uGunyaziwe wezoNxibelelwano oziMeleyo woMzantsi Afrika) uqalisa ukujonga kwakhona imigaqo ye‘End-User and Subscriber Charter’, eyenzelwe ukukhusela abathengi ngokutsotswa ngabasebenza ngothungelwano lwezixhobo zobuchwepheshe eziphathwayo.
Agasti 2017: Isikhalo soluntu neenkxalabo zabo kuMphathiswa woPhuhliso lwezoQoqosho sikhokelele ekubeni iKhomishini yoKhuphiswano iqalise i ‘Data Market Services Inquiry’ (uPhando lweeNkonzo zeMakethi yeDatha) ukuqonda isizathu samaxabiso aphezulu edatha kwaye yenze izindululo ezifanelekileyo zokujongana neenkxalabo, ngokuqinisekisa ukuba amaxabiso ayehliswa ekugqibeleni kwaye kuqinisekiswe ukuba imakethi iyafana.
Uphando lweICASA luza kugqitywa ngoMatshi 2018 ngexesha iKhomishini yoKhuphiswano iza kwenziwa ngoAgasti 2018.
Febhruwari 2019: I-ICASA nabasebenza ngothungelwano lwezixhobo zobuchwepheshe eziphathwayo bafikelela kwisigqibo kwinkundla ephakamileyo yaseJohannesburg. Imigaqo yabasebenzisi asekelwe ukuba aphunyezwe ngabasebenza ngothungelwano. Oku kuthetha ukuba abathengi abaz’ ukuphulukana nedatha abangayisebenzisanga kwaye banokukhetha imilinganiselo ye-opt-in kunye neye-out of bundle.
Julayi 2019: Umphathiswa okhoyo wezonxibelelwano nobuchwepheshe bezobuxhakaxhaka bale mihla uStella Ndabeni-Abrahams upapasha uMgaqonkqubo weHigh Demand Spectrum* kunye nePolicy Direction of the Licensing of WOAN**.
Disemba 2019: I-ICASA ifuna izimvo zoluntu nezingeniso ukuqhuba iRegulatory Impact Assessment kwimigaqo ye-End-User Subscriber Service Charter eqaliswe ngoFebhruwari 2019. Injongo yolu hlolo kukukhangela ukuba ingaba abasebenza ngothungelwano lwezixhobo zobuchwepheshe eziphathwayo bayayithobela na imigaqo.
Disemba 2019: IKhomishini yoKhuphiswano ikhupha ingxelo yayo yokugqibela yophando lwemakethi yeenkonzo zedatha. Enye yezindululo ezingundoqo zophando zezokuba uVodacom noMTN behlise amaxabiso nge30% ukuya ku50% nge1 Feb 2020.
Janyuwari 2020: Umhla wokugqibela we-ICASA weRegulatory Impact Assessment ngemigaqo yabasebenzisi. Inkqubo yohlolo iyaqalisa.
Febhruwari 2020: IKhomishini yoKhuphiswano yandisa umhla wokugqibela wabanikinkonzo bothungelwano lwezixhobo zobuchwepheshe eziphathwayo ukuba bathobele izindululo uye ku1 Matshi 2020.
*ISpectrum ngamaza omoya asetyenziswa ziiselula zethu ukuthumela ulwazi, enemigaqo kwaye iza kwabelwa yi-Independent Communications Authority of South Africa (i- ICASA) (uGunyaziwe wezoNxibelelwano oziMeleyo woMzantsi Afrika)
*Uthungelwano loFikelelo oluVulelekileyo olungenaziNgcingo
[1] Sayina iphulo #DataMustFall: https://awethu.amandla.mobi/petitions/bring-the-cost-of-data-down
