Kuze kube namhlanje, imikhankaso ye-amandla.mobi ibe nemithelela ngqo empilweni yabantu besifazane abampisholo abalinganiselwa ezigidini eziyi-11 abahola imali encane. Kusukela emikhankasweni kazwelonke ephumelele ukuthola izigidigidi zokusiza imizi ehola imali encane, kuya ekusebenzeni nemiphakathi yasendaweni, njengaseDiepsloot, abanqoba emkhankasweni wabo wokwakhelwa ibhuloho ukuze izingane zikwazi ukuwela umfula ngokuphepha ukuze zifike esikoleni. Iminye yemikhankaso yethu emikhulu esanqoba kuyo ibandakanya:
- Ukwenza uhulumeni abe imali yokuqala ukufeza izethembiso zakhe zokuhlinzeka ngamaphedi amahhala ezikoleni ezinabantu abahola imali encane.
- Ukusiza ukususa iValue-Added Tax kumaphedi.
- Ukwandisa ukufinyelela ku-inthanethi e-mobile ngokukhankasela imithethonqubo nezivumelwano ezasiza ukuphoqelela amanethiwekhi amaselula anciphise izindlela ezingabacabangeli abantu abahlwempu.
Ukuhlola umthelela wethu – awethu.mobi
Iphupho lethu wukubona uMzansi onabantu abaphendulisa abathathizinqumo ngabakwenzayo kusetshenziswa ukumela ngempumelelo. Njengoba saqala ukuvama ukunqoba imikhankaso, sahluleka ukumela umthwalo wezimfuno zamalungu ethu, ophathini kanye nemiphakathi, efuna ukusebenza nathi ukuze siqhubeke nemikhankaso. Ukuqinisekisa ukuthi asimpintsheki size sibambezeleke nokuthi sandisa umsebenzi wethu, sisungule futhi sethule i-awethu.mobi, lapho wonke umuntu engafunda futhi asebenzise indlelakwenza ye-amandla.mobi ukwethula imikhankaso ehambisana nezimiso zethu. Imikhankaso enomthelela umkhulu eyethulwa amalungu, ophathini kanye nemiphakathi ku-awethu.mobi ibandakanya:
- Ukwenza ukuthi kuhoxiswe uMthethosivivinywa we-SABC osongela ukuzimela komsakazeli womphakathi wezwe..
- Ukugcina izikole zaseNingizimu Afrika ziyizindawo ezingavumelekile ukuba zibe notshwala.
- I-African Reclaimers Organisation (i-ARO) yenza ukuthi iCity of Johannesburg isuse intela ebeyisongela impilo yabantu ababecosha imfucuza.
- Ukusiza ukuthola isithasiselo sezibonelelo zomphakathi, ikakhulukazi isibonelelo sokunakekela izingane ngowezi-2020.
- Ukusiza abafundi abayizi-5000 obekugodlwe iziqu zabo eDurban University of Technology (e-DUT) ngenxa yokuthi i-NSFAS ingakhokhanga ngesikhathi ukuze bathole iziqu zabo.
