Mayelana
Singobani
Yakhelwe phezu kwenkolelo yokuthi wonke amaselula angasetshenziselwa ukwakha intandoyeningi, i-amandla.mobi iyinhlangano ekhulayo eholwa abantu besifazane abaMpisholo abanengeniso encane eqondene nokwakha iNingizimu Afrika enobulungiswa nosimamiswe abantu.
Senzani
I-amandla.mobi isungule indlelakusebenza emiswe ngokohlelo lokumelela, esiyisebenzisela ukunxenxa izwi elinye lenhlangano yethu ezimweni ezibucayi ngemikhankaso eqondene nokuthile, edidiyelwe futhi engokweqhingasu alwela ushintsho oluphathekayo lwezigidi zabantu abathintekayo ngenxa yokungabibikho kokubulungiswa.
Sikwenza kanjani
I-amandla.mobi isebenzisa ukuxhumana ngamaselula ukuze kuhlelwe, kubunjwe futhi kugqanyiswe amaphimbo alabo abathinteke kakhulu ngenxa yokungabibikho kobulungiswa kanye nokuhlomisa amalungu enhlangano yethu ngezinsiza namaqhingasu okuthatha izinyathelo ngokuhlanganyela. Njengoba inhlangano yethu isicishe ifike esigidini esisodwa isebenza ngokuhlanganyela ukuze kusayinwe izikhalo, ibambe iqhaza emibhikishweni futhi iqalise ukubamba iqhaza kwabantu, sikwazi ukufinyelela kubathathizinqumo abanamandla okuletha ushintsho – futhi sikwazi ukubenza baphendule ngokwesibopho sabo. Sindawonye, sithatha isinyathelo ukuqinisekisa ukuthi isicabha asisoze savalwa, futhi ukusukuma kwethu akupheli nhlobo, noma ngabe kuba wukunyusa ingcindezi yomphakathi noma ukunyusa umfutho emikhankasweni yezimo ezihlukahlukene.
