Umkhankaso weData Must Fall ube nokuhle nokubi. Kusukela ekubhikisheni ngaphandle kwenkantolo ephakeme, ukuqeda izethulo ze-ICASA, ukuqeda amazinga e-out-of-bundle eVodacom ngo-Okthoba 2017, ukuqaliswa kwemithethonqubo yomsebenzisi wokugcina ye-ICASA kanye nesinqumo sikaKhomishana Wezokuncintisana ngezinkampani zamaselula okwadala ukuhliswa kwentengo ngama-30% kuya kuma-50%. Ngezansi kunomdwebo wesikhathi esigcwele soMkhankaso weData Must Fall.
2016: Ukwanda kwezikhalo ezivela emphakathini ngezindleko eziphezulu zedatha kudale ukuqala komkhankaso weData Must Fall [1].
Febhuwari 2017: UMongameli Jacob Zuma uthe ukuncishiswa kwezindleko zedatha kusemqoka.
Julayi 2017: I-Independent Communications Authority of South Africa (i-ICASA) iqale ukubuyekeza “i-End-User and Subscriber Charter’, okuyimithethonqubo okumele ivikele abathengi ekukhuthuzweni izinkampani zamanethiwekhi amaselula
Agasti 2017: Ukukhala komphakathi nezikhalo zikaNgqongqoshe Wezokuthuthukiswa Kwezomnotho kwaholela ekutheni iKhomishini Yezokuncintisana iqalise uphenyo ‘iData Market Services Inquiry’ ukuze kuqondwe izizathu zentengo ephezulu yedatha futhi kwenziwe izincomo ezifanele zokubhekana nezikhalo, ngokuqinisekisa ukuthi intengo iba phansi futhi kuqinisekiswe ukuthi imakethe iyancintisana.
Uphenyo lwe-ICASA luzoqedwa ngoMashi 2018 kube iKhomishini Yokuncintisana izoqeda ngo-Agasti 2018.
Febhuwari 2019: I-ICASA nezinkampani zamanethiwekhi eselula bafinyelela esivumelwaneni enkantolo ephakeme yaseGoli. Imithethonqubo yomsebenzisi wokugcina kumiswe ukuthi iqaliswe izinkampani zamanethiwekhi. Lokhu kusho ukuthi abathengi angeke balahlekelwe idatha engasebenzanga futhi bangakhetha ukusebenzisa nokungasebenzisi kumazinga e-bundle.
Julayi 2019: Ungqongqoshe wezokuxhumana kanye nobuchwepheshe bamakhompyutha uStella Ndabeni-Abrahams ushicilele Inqubomgomo yeHigh Demand Spectrum* kanye neMpokophelo yeNqubomgomo yokutholakala kweLayisense ye-WOAN**.
Disemba 2019: I-ICASA ifuna izimvo zomphakathi kanye nezethulo zokwenza umsebenzi wokuhlola imithethonqubo yomsebenzisi wokugcina yokuHlolwa Komthelela Wophiko Olulawulayo weSubscriber Service Charter okwenzeke kuFebhuwari 2019. Inhloso yalokhu kuhlola wukuhlola ukuthi ingabe izinkampani zamanethiwekhi ziyayilandela na imithethonqubo.
Disemba 2019: IKhomishini Lezokuncintisana likhipha umbiko walo wokugcina wophenyo lwezimakethe ngemisebenzi yedatha. Esinye sezincomo ezinkulu zophenyo wukuthi kushaye umhlaka-1 Febhuwari iVodacom ne-MTN seyehlise intengo yedatha ngama-30% kuya kuma-50%.
Januwari 2020: Umnqamula-juqu we-ICASA wemithethonqubo yeRegulatory Impact Assessment yomsebenzisi wokugcina. Inqubo yokuhlola iyaqala.
Febhuwari 2020: IKhomishini Yezokuncintisana yelula umnqamula-juqu wabahlinzeki bamanethiwekhi amaselula wokuba balandele izincomo kube umhlaka-1 Mashi 2020.
*ISpectrum iyimagagasi omoya asetshenziswa amaselula ethu ukuthumela ulwazi, elawulwayo futhi ezokwabiwa i-Independent Communications Authority of South Africa (i-ICASA)
*IWireless Open Access Network
[1] Bhalisela umkhankaso #DataMustFall: https://awethu.amandla.mobi/petitions/bring-the-cost-ofdatha-down
